Սաակաշվիլիին հարցաքննության կկանչեն Ժվանիայի մահվան գործով

Վրաստանի նախագահ Միխայիլ Սաակաշվիլին, Ներքին գործերի նախկին նախարար Վանո Մերաբիշվիլին, իշխանափոխութունից հետո երկրից հեռացած Արդարադատության նախկին նախարար Զուրաբ Ադեիշվիլին, խորհրդարանի փոխխոսնակ Գեորգի Բարամիձեն հարցաքննության կենթարկվեն Գլխավոր դատախազության կողմից 2005թ. փետրվարին նախկին վարչապետ Զուրաբ Ժվանիայի մահվան գործով. փոխանցում է Թբիլիսիում Взгляд-ի հատուկ թղթակիցը:

Ժվանիան պաշտոնական տվյալներով մահացել է գազի թունավորումից. հայտնում է «Մաեստրո» հեռուստաընկերությունը:

Գլխավոր դատախազ Արչիլ Քբիլաշվիլին հայտարարել է, որ այս գործն առաջինն է հանձնվում վերաքննության հետաքննչական մաս: «Մենք բոլորին ենք հարցաքննելու, ովքեր այս կամ այն կերպ կապված են այս գործի հետ»,-հայտարարել է նա և հավելել,-հետաքննությունը համագործակցելու է հանգուցյալի ընտանիքի հետ:

Երկուշաբթի օրը «Ասավալ Դասավալ» թերթին տված հարցազրույցի ժամանակ Վրաստանի նախկին նախագահ Էդուարդ Շևարդնաձեն հայտարարել է, որ Ժվանիան սպանվել է, քանի որ Սաակաշվիլիին իր պաշտոնում փոխարինելու համար պոտենցիալ հավակնորդ էր:
Զուրաբ Ժվանիայի եղբայր Գեորգի Ժվանիան նախկինում նույնպես հայտարարել էր, որ Վրաստանի նախագահ Սաակաշվիլին «անձամբ է ղեկավարել մահվան տեսարանները պատկերող հանգամանքները»:

«Վրացական երազանք»-ի պատգամավոր Գեորգի Ժվանիան «Մաեստրո»-ին հայտարարել է, թե բացարձակ սուտ են հանդիսանում լուրերն այն մասին, որ իր եղբայրը մահացել է գազի արտահոսքի պատճառով թունավորման արդյունքում: «Նախկին իշխանություններն ուզում էին կոծկել այս գործը»,-հայտարարել է նա: