Հենրիկ Մխիթարյանը լավագույնն է

Դոնեցկի «Շախտյորն» իր պաշտոնական կայքում հարցում է անցկացրել հոկտեմբեր ամսվա լավագույն ֆուտբոլիստին պարզելու համար: Պաշտոնական կայքում երկրպագուների քվեարկության արդյունքում լավագույնն է ճանաչվել Հենրիկ Մխիթարյանը:

Հարցմանը մասնակցած 817 երկրպագուներից 440-ը (53,86 %) քվեարկել է Մխիթարյանի օգտին:

Երկրորդ տեղում հայտնվել է Ալեքս Տեյշեյրան, վերջինիս օգտին քվեարկել են 158 հոգի (19,34 %): Լավագույն եռյակը եզրափակել է  Ֆերնանդինյոն՝ 105 ձայն (12,85 տոկոս). տեղեկացնում է «հանքափորների» պաշտոնական կայքը: