Մխիթարյանի գոլը երկրորդն է (տեսանյութ)

Դոնեցկի «Շախտյորն» իր պաշտոնական կայքում հարցում է անցկացրել նաև ակումբի հոկտեմբեր ամսվա լավագույն գոլի հեղինակին պարզելու համար: Լավագույն գոլ է ճանաչվել Ֆերնանդինյոի գոլը` ուղարկված «Չելսիի» դարպասը: Ֆուտբոլիստի օգտին քվեարկել է հարցմանը մասնակցած 876 երկրպագուներից 339-ը (38,70%): Երկրորդ հորիզոնականում հայտնվել է Հայաստանի հավաքականի կիսապաշտպան Հենրիկ Մխիթարյանը, «Մետալիստի» դարպասն ուղարկված գոլի համար: Հայ ֆուտբոլիստի օգտին քվեարկել է 275 երկրպագու (31,39%):

Լավագույն եռյակը եզրափակում է Իլսինյոն «Մետալիստի» դարպասը ուղարկված գոլով, ում օգտին քվեարկել է 97 հոգի (11,07%):

 Նշենք, որ քվեարկությունը տևել է 4 օր. տեղեկացնում է «Շախտյորի» պաշտոնական կայքը: