Իրանի նոր անօդաչու ինքնաթիռները կկիրառվեն 2013-ի փետրվարից

Իրանի ԶՈՒ-ն ստեղծել է նոր սերնդի անօդաչու ինքնաթիռներ. հաղորդում է իրանական Fars News լրատվական գործակալությունը: Նշյալ սարքավորումները հագեցած են նորագույն տեխնոլոգիաներով, թռիչքներն իրականացվում են ինչպես ուղղահայաց, այնպես էլ հորիզոնական դիրքերում: Նորագույն անօդաչու-ինքնաթիռների ստեղծման գլխավոր ճարտարապետներից Աբբաս Ջամը լրագրողների հետ ճեպազրույցում փոխանցել է, որ նշյալ սարքը նմանը չունի աշխարհում:

Համաձայն իրանական լրատվամիջոցների հաղորդման՝ նորագույն սարքերը կներդրվեն ԻԻՀ սպառազինությունում արդեն 2013-ի փետրվարից: Առաջին նմուշի վերագործարկումն իրականացվել է ս.թ. նոյեմբերի 3-ին երկրի ռազմաքաղաքական հրամանատարության հանդիսավոր ներկայությամբ: