Թուրքիան Ֆրանսիայից պահանջում է հետ վերադարձնել գողացված գանձերը

Ստացվում է, որ թուրք-ադրբեջանական Մեկ ազգ-Մեկ մշակույթ գաղափարը հատուկ դրսևորումներ է ստանում նշյալ ազգերի ներքին մենթալիտետում: Եթե ադրբեջանական ղեկավարությունն ամեն օր իրեն համոզում է, որ կովկասյան տարածքների մեծ մասում հին ժողովուրդներից մեկն է համարվում, և շատերը ՊԱՐՏԱՎՈՐ են իրենց վերադարձնել ՊԱՏՄԱԿԱՆ ՀՈՂԵՐԸ, ապա Թուրքիան իր հերթին կարծում է, որ համաշխարհային մշակութային արժեքների ստեղծողն ԻՆՔՆ է և ԻՐ ԺՈՂՈՎՈՒՐԴԸ: Արդյունքում ստացվում է, որ երկու ժողովուրդները դառնում են արդեն իրենց իսկ ստեղծած ՏԵՍԼԱԿԱՆԻ ԿՐՈՂԸ:

Որպես տրամաբանական շարունակության վերը նշված գնահատականի՝ հարկ է նշել, որ համաձայն արևմտյան մամուլի հրապարակումների՝ Լուվրի նոր տաղավարը, որում ներառված են իսլամական մշակութային արվեստի մի շարք նմուշներ, սուր արձագանք է ստացել Թուրքիայի կողմից:

Պաշտոնական Թուրքիան բողոք է ներկայացրել ֆրանսիական կողմին, համաձայն որի՝ նշյալ տաղավարում ներկայացված Օսմանական կայսրության կերամիկական պաննոները գողացված են: Խնդիրը, որն արդեն մշակութային սկանդալի է վերածվում, թուրքական կողմից մեկնաբանվում է հետևյալ կերպ. 19-20-րդ դարերում ստեղծված նշյալ մշակութային արժեքներն ապօրինի կերպով անհետացել են Սելիմ 2-րդ սուլթանի դամբարանից: Թուրքիայի մշակույթի նախարարության հայտարարության համաձայն՝ թուրքական կողմը դեռ նախկինում տեղեկություն ուներ, որ դամբարանից անհետացած արվեստի գործերը, հնարավոր է, գտնվում են Ֆրանսիայում, որի ապացույցն այսօր նրանք փաստում են:

Ինչպես հաղորդում են թուրքական ԶԼՄ-ները, պաշտոնական Անկարան արդեն նամակ է հղել ֆրանսիական կողմին կերամիկայից պատրաստված նշյալ գործերը հետ վերադարձնելու համար, որի վերաբերյալ համապատասխան նամակ չի ստացվել:

Հարկ է նշել, որ Լուվրում ստեղծված իսլամական մշակութային արժեքների նոր տաղավարը, որը ընդգրկում է թանգարանի Վիսկոնտիի դարպասների մերձակայքը՝ զբաղեցնելով ավելի քան 3 հա տարածք, ներկայացված են եվրոպական մեկենասների կողմից նվիրաբերված ավելի քան 1000 մշակութային եզակի նմուշներ, որոնց աշխարհագրությունը սկսվում է Հնդկաստանից՝ հասնելով Իսպանիա, ներառյալ իսլամական աշխարհը: Տաղավարն ընդհանուր առմամբ արժեցել է 100 մլն եվրո: