The Sun. Ֆրանսիացի նախկին նախարարն ունեցել է 8 սիրեկան միաժամանա՞կ

Վերջին լուրեր 5 Նոյեմբեր, 2012 16:56

Նիկոլա Սարկոզիի նախկին կողմնակից և Ֆրանսիայի արդարադատության նախկին նախարար Ռաշիդա Դատին փորձում է գտնել իր երեխայի հորը։ Սակայն իրավիճակը բարդացնում է այն հանգամանքը, որ հղիանալու շրջանում կինը միանգամից ունեցել է 8 սիրեկան. հաղորդում է MIGnews.com-ը։

Դատին պնդում է, որ իր երեքամյա դստեր հայրը 68-ամյա մուլտիմիլիոնատեր Դոմինիկ Դեսեյնն է. գրում է բրիտանական The Sun-ը։ 47-ամյա կինն արդեն դիմել է Վերսալի դատարան, որպեսզի ստիպի Դեսեյնին ճանաչել հայրությունը։ Սակայն վերջինս հրաժարվում է ԴՆԹ-ի անալիզ հանձնել։ Տղամարդը պնդում է, որ հղիանալու շրջանում կինն ունեցել է առնվազն 8 սիրեկան։ Միլիոնատերը վստահ է, որ Ռաշիդայի հետ քնած մի շարք տղամարդկանցից ընդամենը մեկն է։ Այդպես, Դեսեյնի խոսքերով՝ նախարար-մադամն ինտիմ հարաբերությունների մեջ է եղել Իսպանիայի վարչապետ Խոսե Մարիա Ասնարի, Ֆրանսիայի նախկին նախագահ Նիկոլա Սարկոզիի և նրա եղբոր, հայտնի հեռուստահաղորդավարի, նախարարի, ինչպես նաև շքեղության պարագաներ արտադրող խոշորագույն ընկերության ժառանգորդի և Քաթարի գլխավոր դատախազի հետ։

Չամուսնացած Ռաշիդա Դատին 2009 թվականին դուստր է ծնել։ Երեխայի կնքահայր էր համաձայնել դառնալ այն ժամանակ դեռ նախագահ Նիկոլա Սարկոզին։ Ի դեպ, առաջին տիկնոջ՝ Կարլա Բրունիի և արդարադատության նախարարի միջև այդ շրջանում հարաբերություններն արդեն լարված էին։ Չէ՞ որ արդեն վաղուց է, լուրեր էին շրջանառվում առ այն, որ Դատին ևս դեմ չէր լինի ամուսնանալ Սարկոզիի հետ։