Իվանիշվիլիին բյուջեից ետ վերադարձրեցին 80 մլն լարին
Վերջին լուրեր
Բիձինա Իվանիշվիլիի կողմից դեռևս նախքան ընտրությունները պետական բյուջե 80 մլն լարիի չափով կատարած վճարումը, որը պիտի ուղղվեր Կախեթիում տուժածներին օգնելուն, հետ է վերադարձվել միլիարդատիրոջը: Այս մասին հայտարարել է Վրաստանի ենթակառուցվածքային և տարածքային զարգացման հարցերով նախարար Դավիդ Նարմանիան այսօր կայացած մամլո խորհրդակցության ժամանակ, փոխանցում է Грузия Online-ը:
«Որքան որ ես գիտեմ, Բիձինա Իվանիշվիլիի կողմից բյուջեին վճարած այդ տուգանքը չի օգտագործվել Կախեթիի շրջանի տուժածների կարիքները հոգալու համար: Այդ գումարը մնացել է Ազգային բյուրոյի հաշվին և այժմ վերադարձվել է Իվանիշվիլիին՝ որպես անօրինականորեն գանձված տուգանք»,-նշել է Նարիմանիան:
Հիշեցնենք, որ Իվանիշվիլիին տարատեսակ ընտրախախտումների համար մեղադրանք էր ներկայացվել, որի դիմաց նրանից գանձվել էր 80 մլն լարի տուգանք: Իվանիշվիլին վճարել էր տուգանքը՝ պայմանով, որ դրանք ուղղվելու են Կախեթիի շրջանում տարերքից տուժած բնակչության կարիքները հոգալուն:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
