Հյուսիսային պողոտայում «BMW X6»–ը վրաերթի է ենթարկել 2 աղջկա

Րոպեներ առաջ Երևանի Հյուսիսային պողոտայում՝ «Հին Էրիվան» ռեստորանի մոտ, «40 nn 004» պետհամարանիշերով սև գույնի «BMW X6» մակնիշի ավտոմեքենան վրաերթի ենթարկեց 2 աղջկա։ Այս մասին դեպքի վայրից հայտնել է Lurer.com–ի թղթակիցը։ Տուժողներին տեղափոխել են հիվանդանոց։

Մեր ունեցած տեղեկություններով՝ աղջիկներից մեկը, որոնք եղել են 18-20 տարեկան, տեղափոխվել է թիվ 1 համալսարանական հիվանդանոց, մյուսը՝ Սուրբ Գրիգոր Լուսավորիչ բժշկական կենտրոն: Մեր աղբյուրների փոխանցմամբ՝ մեքենան պատկանում է «Բարի սամարացի» ընկերության սեփականատերերին։