Իվանյանում բանակցություններ են ընթանում Արցախի և Ադրբեջանի ներկայացուցիչների միջև

Սեպտեմբերի 25-ին Իվանյանում (Խոջալուում) սկսվել են հերթական բանակցությունները Ադրբեջանի և Արցախի պատվիրակությունների միջև, հաղորդում է APA-ն։ Ըստ պարբերականի՝ Ադրբեջանի կողմից բանակցում է Ռամին Մամեդովը, ով Ալիևի կողմից այս տարվա մարտին նշանակվել է Արցախի բնակչության հետ շփումների պատասխանատու։ Արցախյան կողմից բանակցություններին մասնակցում է Արցախի ԱԺ «Արցախի ժողովրդավարական կուսակցություն» խմբակցության պատգամավոր Դավիթ Մելքումյանը։

Ինչպես հայտնի է, Արցախի և Ադրբեջանի պատվիրակությունների միջև առաջին բանակցությունները կայացել են սեպտեմբերի 21-ին՝ Եվլախում։