«Ժողովուրդ». Ծառուկյանի ձեռնարկությունները պարտաճանա՞չ են

ՊԵԿ-ը հրապարակել է 2012–ի առաջին 9 ամիսների կտրվածքով 1000 խոշոր հարկատուների ցանկը: Առաջին տեղում «ՀայՌուսգազարդ»-ն է՝ իր վճարած 22.6 մլրդ դրամ հարկով, 2-րդ տեղում՝ Զանգեզուրի պղնձամոլիբդենային կոմբինատը՝ 16.5 մլրդ դրամի հարկով, և 3-րդ՝ տեղում է Աժ պատգամավոր Սամվել Ալեքսանյանին պատկանող «Ալեքս-գրիգ» ընկերությունը՝13.5 մլրդ դրամով: Հաջորդում են «Ղ-Տելեկոմ»-ը, «Արմենտել»-ը, «Ֆլեշ» ընկերությունը:

Ըստ «Ժողովուրդ»-ի՝ ուշագրավն այն է, որ ԲՀԿ նախագահ Գագիկ Ծառուկյանին պատկանող «Մուլտի գրուպ» կոնցեռնը հարկատուների ցուցակում զբաղեցնում է 263-րդ Երևանի «Արարատ» կոնյակի, գինու, օղու կոմբինատը՝ 93-րդ, իսկ «Մուլտի լեոն» ընկերությունը՝ 230-րդ տեղը:

«Բոլոր այն ընկերությունները, որտեղ Ծառուկյանն ունի բաժնետոմսեր, օրենքով սահմանված կարգով առանձին-առանձին վճարում են հարկերը, և նրանց վճարած հարկերի հանրագումարի արդյունքում ստացվում է, որ Ծառուկյանին պատկանող ընկերություններն առաջատար հորիզոնականում են գտնվում»,-«Ժողովուրդ»-ի հետ զրույցում այսպես մեկնաբանեց Ծառուկյանի խոսնակ Իվետա Տոնոյանը: