«Ժողովուրդ». Նոր Նորք վարչական շրջանի ոստիկանապետը հանցագործություն թաքցնելու սովորություն ունի
Վերջին լուրեր
2009-ի մարտին Կենտրոնի ոստիկանապետի պաշտոնից հեռացված Արթուր Մեհրաբյանը, որը նշանակվել էր Արաբկիրի, վերջերս էլ՝ Նոր Նորք վարչական շրջանի ոստիկանապետ, հանցագործություն թաքցնելու սովորություն ունի:
«Ժողովուրդ»-ը հիշեցնում է, որ դեռ 2008–ի դեկտեմբերին «Մոխիտո» կարաոկե-բարում դանակահարություն էր եղել, որի հետքերով գնալիս կասկածյալներից մեկին՝ Արաբկիրի դատախազի որդուն, Մեհրաբյանի հրամանով ոստիկանները «չէին նկատել»: Այս պատճառով նա ազատվեց աշխատանքից: Ու ժամանակին Երևանի ոստիկանապետ Ներսես Նազարյանը հայտարարեց, որ Ա. Մեհրաբյանը թույլ է տվել «վրիպում»:
Եվ ահա 4 տարի անց նույն Մեհրաբյանը, աշխատելով արդեն Արաբկիրի ոստիկանությունում, դարձյալ հանցագործություններ է թաքցրել: Նրանով զբաղվում է ոստիկանության ներքին անվտանգության վարչությունը: «Ժողովուրդ»-ի հարցին, թե ինչու նա կրկին ոստիկանապետ նշանակվեց, անվտանգության վարչության պետ Արմեն Հակոբյանը պարզաբանեց. «Քննությունն ավարտվել է, գործն ուղարկել ենք հատուկ քննչական ծառայություն: Մնացածը ՀՔԾ-ն կորոշի՝ մեղավոր է, թե ոչ»:
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
