Կառավարությունը դադարեցրեց երկու ձյուդոիստների տարկետումը. նրանք որոշել են զինծառայության անցնել եւ դիմել են ՊՆ-ին
Հասարակություն
Կառավարությունն իր այսօրվա՝ հոկտեմբերի 5-ի նիստում որոշեց դադարեցնել սպորտի բնագավառում ունեցած նշանակալի նվաճումների համար Արտակ Վահեի Թորոսյանին և Գոռ Արթուրի Սաֆարյանին պարտադիր զինծառայության զորակոչից տրված տարկետումը:
Նման որոշման համար հիմք է ընդունվել «Հայաստանի ձյուդոյի ֆեդերացիա» հասարակական կազմակերպության հուլիսի 21-ի գրությունը, որտեղ նշվել է, որ Արտակ Թորոսյանը և Գոռ Սաֆարյանը չեն հանդիսանում Հայաստանի ձյուդոյի հավաքականի անդամ:
Բանն այն է, որ Արտակ Թորոսյանը և Գոռ Սաֆարյանը սահմանված ժամկետերում դիմել են ՀՀ կրթության, գիտության, մշակույթի և սպորտի նախարարության պարտադիր զինվորական ծառայության զորակոչից տարկետում ստանալու համար: Հետո երբ հայտարարվել է ամառային զորակոչը, որոշել են պարտադիր զինվորական ծառայության անցնել:
Նրանք դիմել են ՀՀ պաշտպանության նախարարություն և ընդգրկվել են մարզական վաշտում:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
