Աջակցություն տեղահանված հայերին Glovo-ից

Մեր սրտերը ցավում են հայերի և բոլոր նրանց համար, ովքեր տուժել են Արցախում տեղի ունեցած վերջին իրադարձություններից։ Մենք լիովին հասկանում ենք, թե ինչ խորը մտահոգություն և անհանգստություն են պատճառում նման հակամարտությունները բնակչությանը և ուզում ենք մեր աջակցությունն արտահայտել այս դժվարին ժամանակներում։ Այս մասին հայտնում է Glovo-ն։

«Մեզ համար մշտապես առաջնային են եղել մեր աշխատակիցների, գործընկերների և այն համայնքների անվտանգությունն ու բարեկեցությունը, որոնց մենք ծառայում ենք: Մենք հանձնառու ենք այս սկզբունքին հավատարիմ մնալ։ Վերաբնակեցման կամ ապաստան գտնելու կարիք ունեցող բոլոր մարդկանց պատրաստ ենք օգնել հնարավոր բոլոր միջոցներով՝ տրանսպորտ, ռեսուրսների տրամադրում կամ ուղղորդում։

Glovo-ն All for Armenia հասարակական կազմակերպության հետ միասին որոշել է համատեղել ջանքերը՝ աջակցելու հայերին նման դժվարին պահերին։ Այսօրվանից Glovo հավելվածի գլխավոր էկրանի պղպջակներից (bubble) մեկը նվիրված կլինի նվիրատվություններին։ Այս բաժնի միջոցով օգտատերերը կկարողանան կատարել իրենց նվիրատվությունները և աջակցել տեղահանված հայերին: Ողջ հասույթը կտրամադրվի All for Armenia կազմակերպությանը, որն ակտիվորեն ներգրավված է տեղահանվածներին աջակցելու գործում։

Այսպիսով, մենք միասին կկարողանանք աջակցել տեղահանվածներին և հոգալ նրանց կարիքները։ Նման ժամանակներում կարեկցանքն ու համերաշխությունը դառնում են առաջնորդող սկզբունքներ:

Մենք գիտենք, թե որքան տոկուն և ուժեղ է հայ ժողովուրդը և գիտենք, ինչպես է իր պատմության ընթացքում քաջության և միասնության շնորհիվ դիմակայել դժվարություններին։ Մենք ոգեշնչված ենք ձեր վճռականությամբ և անսասան ոգով, և այսօր ձեր կողքին ենք՝ օգնելով դիմակայել այս դժվար ժամանակներում:

Մենք հավատում ենք միասնականության, կարեկցանքի և աջակցության ուժին և հավատացած ենք, որ միայն այդպես է հնարավոր հաղթահարել նույնիսկ ամենասարսափելի մարտահրավերները: Առաջ շարժվելով՝ մշտապես լինելու ենք օգնության, ուժի և համերաշխության աղբյուր մեր հայ ընտանիքի, գործընկերների և համայնքների համար:

Աջակցությամբ և միասնությամբ՝ Glovo»,-ասված է հաղորդագրության մեջ։