Շոլցն ու Ալիևը քննարկել են հայ-ադրբեջանական հարաբերությունները
Արտաքին Քաղաքական
Գերմանիայի կանցլեր Օլաֆ Շոլցը հեռախոսազրույց է ունեցել Ադրբեջանի նախագահ Իլհամ Ալիեւի հետ, որի ընթացքում հայտարարել է, որ դեմ է ռազմական ուժի կիրառմանը։ Այս մասին լրագրողներին հայտնել է Գերմանիայի նախարարների կաբինետի ներկայացուցիչ Քրիստիանե Հոֆմանը, գրում է ՏԱՍՍ-ը։
«Այսօր կանցլեր Շոլցը հեռախոսով զրուցել է Ադրբեջանի նախագահ Իլհամ Ալիևի հետ, կանցլերը դեմ է արտահայտվել ռազմական ուժի կիրառմանը»,- նշել է Հոֆմանը։ «Շոլցը ընդգծել է, որ Գերմանիայի կառավարությունը հաստատակամորեն հավատարիմ է իրավիճակի բանակցային կարգավորմանը և Ադրբեջանի ու Հայաստանի միջև կայուն խաղաղության հաստատմանը, որը հիմնված է Հայաստանի և Ադրբեջանի տարածքային ամբողջականության սկզբունքի վրա», - հավելել է նա։ Եվրոպական խորհրդի նախագահ Շառլ Միշելի ջանքերը, ըստ Հոֆմանի, ունեն դաշնային կառավարության լիակատար աջակցությունը։
«Կանցլերն ընդգծել է Լեռնային Ղարաբաղում իրավիճակի և դրա զարգացման առնչությամբ հնարավոր առավելագույն թափանցիկության կարևորությունը»,- հայտարարել է Գերմանիայի նախարարների կաբինետի ներկայացուցիչը։ Շոլցը, ըստ նրա, նշել է, որ հոկտեմբերի 1-ին ՄԱԿ-ի առաքելության այցը Լեռնային Ղարաբաղ դրական քայլ է, որը պետք է զարգացնել։
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
