Ինչու է հեռացվել ՌԴ պաշտպանության նախարարը

Որո՞նք են ՌԴ պաշտպանության նախարար Սերդյուկովին ազատելու պատճառները, և ի՞նչ դեր կունենա նոր նախարար Շոյգուն բանակում:

Համաձայն BBC գործակալության հաղորդման՝ ՌԴ-ի քաղաքական պատմության մեջ երկրի նախագահի նշյալ որոշումն աննախադեպ երևույթ է համարվում: Սա նաև նահանջ է Վ.Պուտինի համար, ով միշտ առավել սկզբունքային է եղել իր մերձավոր շրջանակի պաշտոնյաներից որևէ մեկին պաշտպանելու խնդրում: Պաշտոնանկությունն իրականացվել է այն բանից հետո, երբ երկրի ոստիկանական ուժերը հետախուզում սկսեցին երկրի անշարժ գույքի գրասենյակներից մեկում, որի արդյունքում հանրությանը հայտնի դարձավ, որ ՌԴ պաշտպանության նախարարը պետբյուջեյով նախատեսված ռազմական ծախսերի հատկացումները մասնավորեցրել է իր անձնական նպատակների մեջ նույն անշարժ գույքի ոլորտում:

Հատկանշական է, որ նախկինում նշյալ դեպքերի բացահայտման արդյունքում ՌԴ ԶՈՒ-ի պաշտոնյաները տեղափոխվում էին այլ աշխատանքի, սակայն առկա պաշտոնանկությունը խոսում է այն մասին, որ խնդիրը տեղափոխվել է առավել լուրջ դաշտ:

ԱՄՆ-ի Կարնեգիի հիմնադրամի փորձագետները, վերլուծելով փաստը, նշել են, որ այդ տրամաչափի պաշտոնանկության հետևում թաքնված են առավել լուրջ գործոններ, խարդավանքի կազմակերպում՝ գուցե և երկրի նախագահի անմիջական հանձնարարությամբ:

Ըստ միջազգային վերլուծաբանների՝ Վ.Պուտինի կողմից կայացած որոշումը հիմնականում երկրի ռազմաքաղաքական էլիտայում առկա տարաձայնությունների խորքային լուծման այլընտրանքային որոշում է եղել:

Ըստ աղբյուրների, որոնք առավել փակ բնույթ են կրում, նշվել է, որ Սերդյուկովը երկրի պաշտպանական գերատեսչությունում բարեփոխումներ իրականացնելու ուղղությամբ թշնամական միջավայր է ստեղծել այդ կառույցում, քանի որ շատերին չի գոհացրել նշյալ գործընթացը և դրանից բխող կադրերի անհամապատասխան լինելու հիմնավորվամբ ծայր առած կրճատումները:

Հարկ է նշել, որ գործընթացի արդյունքում ՌԴ-ի ՊՆ-ի հրամանով նախկինում աշխատանքից ազատվել են մի շարք գեներալներ: