Հայաստանի և Ադրբեջանի ղեկավարները համաձայնել են Բրյուսելում եռակողմ հանդիպմանը մասնակցել. Միշել
Արտաքին Քաղաքական
Ադրբեջանի նախագահ Իլհամ Ալիևը և Հայաստանի վարչապետ Նիկոլ Փաշինյանը համաձայնել են մասնակցել եռակողմ հանդիպմանը, որը կկայանա հոկտեմբերի վերջին՝ Բրյուսելում։ Այս մասին հայտարարել է Եվրոպական խորհրդի ղեկավար Շառլ Միշելը, գրում է Reuters-ը։
«Ես որոշեցի երկու առաջնորդներին էլ հրավիրել Բրյուսել հոկտեմբերի վերջին, և երկու ղեկավարներն էլ համաձայնեցին գալ այս հանդիպմանը։ Մենք մտադիր ենք մեծ աշխատանք կատարել Ադրբեջանի և Հայաստանի միջև հարաբերությունները կարգավորելու համար»,- ասել է նա։
Նախկինում Ալիևը հրաժարվել էր մասնակցել Փաշինյանի և Ֆրանսիայի, Գերմանիայի և ԵՄ ներկայացուցիչների հետ հնգակողմ հանդիպմանը, որը պետք է տեղի ունենար հոկտեմբերի 5-ին՝ Գրանադայում։ Նա իր որոշումը բացատրել է Թուրքիայի ներկայացուցիչներին բանակցությունների մեջ մտնելու մերժմամբ։
Սրանից հետո Միշելն ասել է, որ ԵՄ-ն հոկտեմբերի վերջին Բրյուսելում բանակցություններ վարելու հրավերներ է ուղարկել Ադրբեջանի և Հայաստանի ղեկավարներին։ «Մենք հավատում ենք դիվանագիտությանը։ Մենք հավատում ենք քաղաքական երկխոսությանը»,- ասել է Միշելը:
ՈՒՂԻՂ ԵԹԵՐ
Ամենադիտված 
Մահացել է բժիշկ Տիգրան Վարդանյանը
