Օխոտի ծովի հատակին հայտնաբերվել է «Ամուրսկոյե» ջերմանավը

Օխոտի ծովի հատակին Շանտարյան կղզիների մոտակայքում հայտնաբերվել է խորտակված «Ամորսկոյե» ջերմանավը: Այդ մասին հաղորդում է «Հարավ-Սախալինսկ» ծովային փրկարարա-որոնողական կենտրոնը, փոխանցում է ИТАР-ТАСС-ը:

Այսօր ջրասույզներն իջել են անհայտ օբյեկտի ուղղությամբ, որը հայտնաբերվել էր նոյեմբերի 4-ին: «Ջրասույզները հստակ պարզել են, որ 25 կմ խորության վրա գտնվող այդ անհայտ օբյեկտը հենց «Ամուրսկոյե» ջերմանավն է. հաղորդում է գործակալությունը:

Հիշեցնենք, որ հոկտեմբերի 28-ին Օխոտի ծովում անհետ կորել է «Ամուրսկոյե» ջերմանավը՝ նրա վրա գտնվող նավախմբի 11 անդամներով: Այն տեղափոխում էր 700-750 տոննա ոսկեբեր հանքանյութ:

Աղետի ազդակ արձակելով՝ նավը առավոտյան դադարել էր կապի մեջ մնալ: Վթարային փարոսը միացել է Շանտարյան կղզիների մոտակայքում: