Բախում բնապահպանների և ոստիկանների միջև (տեսանյութ)

Մարիամախոտ Թեղուտի Սուխուդյանը facebook սոցցանցի իր էջում գրել է.

«Խոսրովի արգելոցում տեղի ունեցած գործողությունները փաստում են այն մասին, որ ամենաանելանելի իրավիճակում էլ բնապահապն-ակտիվիստները կարողանում են ճեղքել արգելքները և մասնակից դառնալ գաղտնի քննարկումներին, իրենց կարծիքն ասել և փոխել ստանդարտ գծված օրակարգը: Պետք է նշել, որ Բնապահպանաթյան նախարարաթյան օրակարգում կային բազմաթիվ հարցեր, որոնք չքննարկվեցին, այդ թվում նաև քննարկմանը հրավիրված միջազգային կազմակերպություններից UNDP-ն չմասնակցեց քննարկմանը:Անհայտ պատճառներով մեքենան, կեսից հետ գնաց: Խոսրովի արգելոցի ճակատագրին վերաբերվող կարևորագույն կետեր դեռևս հասկանալի չեն: տեղի ունեցած գիտական քննարկման արդյունքում քննարկվեց մի քանի հարց: Ի՞նչ կարգավիճակ ունենա Խոսրովի արգելոցը. լինի բաց տուրիստների համար, թե լինի փա՞կ և զերծ մարդկային անցուդարձից:

Փորձագետներն այդպես էլ չեկան ընդհանուր հայտարարի և այս քննարկումը դեռ պիտի շարունակվի: Բնապահպան ակտիվիստները բարձրացրեցին ևս մի քանի հարց:

Ի՞նչ չափորոշիչներով են ընդունվում և հեռացվում պաշտոնյաները:

Ի՞նչ ճակատագիր է ունենալու Գիլանի ապօրինի կառույցը, եթե Հովազաձոր ՍՊԸ հակընդեմ հայց ներկայացնի, ապա ի՞նչ մեխանիզմներով են փոխհատուցվելու կազմակերպության վնասները:

Այս բոլոր հարցերից միայն պարզ դարձավ այն, որ Գիլանի ապօրինի շենքը ամեն դեպքում քանդվելու է, իսկ գործը գտնվում է դատարանում»։