Տրանսպորտում ծնված ֆրանսիացիներին հետաքրքիր նվերներ են խոստանում

Ֆրանսիական տրանսպորտային ընկերությունները հատուկ նվերներ են տրամադրում այն երեխաներին, ովքեր ծնվել են ավտոբուսներում, գնացքներում և ինքնաթիռներում. հաղորդում է euromag-ը։ Իլ դե Ֆրանս շրջանի տրանսպորտի աշխատակիցների արհկոմիտեի հաշվարկներով՝ ֆրանսիական մետրոյում յուրաքանչյուր տարի ծնվում է առնվազն 1 երեխա։ Երեխայի համար նվեր է դառնում մետրոյի անվճար բաժանորդագրումը մինչև չափահաս դառնալը։

Ֆրանսիայի երկաթուղու ազգային միությունը մեկ կամ երկու երեխային, որոնք յուրաքանչյուր տարի ծնվում են իրենց վագոններում, տրամադրում է TGV գնացքներում անվճար երթևեկելու իրավունք մինչև չափահաս դառնալը։

Ինչպես հայնում են Air France-ում, միջինում մեկ երեխան լույս աշխարհ է գալիս ընկերության ինքնաթիռներում 15 տարին մեկ անգամ։ Ըստ լուրերի՝ նորածինը ստանում է անվճար տոմսեր ընկերության բոլոր չվերթների համար մինչև կյանքի վերջ, իսկ օդաչուն դառնում է երեխայի կնքահայրը. գրում է Le Figaro-ն։ Սակայն իրականում, ինչպես հաղորդել է ավիափոխադրողի ղեկավարությունը, գործը սահմանափակվում է փոքրիկ նվերով՝ երիտասարդ մայրիկի համար մեկ շիշ գինով։