Էդմոն Մարուքյանը լուրջ չի վերաբերվում

Այսօր «ՉԻ»-ն, անդրադառնալով Վանաձորի թիվ 30 ընտրատարածքից պատգամավոր ընտրված Էդմոն Մարուքյանին, գրել էր, որ թերթն այս պատգամավորի գործով հետաքննություն է իրականացրել՝ համապատասխան հարցումներ ուղարկելով թե՛ ԱՄՆ-ի համապատասխան կրթական հաստատություն, թե՛ Հայաստանում ԱՄՆ-ի դեսպանատուն։ Թերթը գրում է նաև, որ  2009-ի հուլիսից մինչև 2010-ը օգոստոս ամիսը պատգամավորը սովորելու նպատակով մշտապես գտնվել է ԱՄՆ-ում, այսինքն՝ նա վերջին 5 տարում Հայաստանում մշտապես չի բնակվել, ինչպես պահանջում է ՀՀ Սահմանադրությունը՝ պատգամավորի թեկնածու առաջադրվելու համար։

Այդ պատասխաններով հաստատվել է, որ Մարուքյանը կոպտորեն ոտնահարել է ՀՀ Սահմանադրությունը, և ըստ թերթի՝ պատգամավորին «օգնել» են դա անել բավականին ազդեցիկ մարդիկ:

Lurer.com-ը կապ հաստատեց ԱԺ անկախ պատգամավոր Էդմոն Մարուքյանի հետ՝ հոդվածում տեղ գտած պնդումների վերաբերյալ պարզաբանում ստանալու համար։ Պատգամավորն առանց հարցը հնչեցնելու միանգամից հասկացավ, թե զանգն ինչ նպատակով էր և ասաց. «Ես չեմ մեկնաբանում այդ հոդվածը», հավելելով, որ ամեն անգամ այդ մասին գրվում է, և նա չի պատրաստվում ամեն անգամ պարզաբանում տալ և այդ հոդվածին լուրջ չի վերաբերվում։