Հաճելի է համեմատվել Մեսսիի հետ. Հենրիկ Մխիթարյան
Վերջին լուրեր
Չեմպիոնների լիգայի շրջանակներում կայանալիք «Չելսի»-«Շախտյոր» խաղից առաջ դոնեցկցիների կիսապաշտպան Հենրիկ Մխիթարյանը նշել է, որ լոնդոնցիները իրենց հետ հանդիպումից չեն վախենում, այլ հակառակը՝ հավատում են սեփական ուժերին:
«Ինձ համար ռեկորդ սահմանելը ամենակարևորը չէ: Կարևորը մեր ակումբը հաղթի Ուկրաինայի առաջնությանը, գավաթի խաղարկությանը և հաջող հանդես գա Չեմպիոնների լիգայում: Իսկ ռեկորդի դեպքում կուրախանամ, չստացվելու դեպքում չեմ տխրի, քանի որ գիտեմ՝ պետք է շատ աշխատել: Երբեք պետք չէ բավարարվել ձեռքբերածով, այլ պետք է միշտ առաջ շարժվել»։
Շատ մասնագետներ ձեզ համարում են երկրորդ Մեսսի, ի՞նչ կասեք այդ մասին։
«Հաճելի է նման գնահատականը: Սակայն կարծում եմ՝ խաղաոճով մենք բավականին տարբեր ենք: Մեսսին աշխարհի լավագույն խաղացողն է: Ես գործակալ չունեմ: Ինչպես Դոնեցկի «Մետալուրգ» տեղափոխվելիս, այնպես էլ «Շախտյորի» դեպքում, իմ տրանսֆերն իրականացել է առանց գործակալի օգնության: Պարզապես պետք է շատ մարզվել և խաղալ, այլ ոչ թե մտածել գործակալների մասին»,- ֆուտբոլիստի խոսքերը մեջբերում է terrikon.com-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
