Մոսկվայում անպատասխան սիրո հերոսը վշտից կրակել է 7 հոգու վրա

Մոսկվայում շարքային իրավաբանի անփոխադարձ սերը դեղագործ աղջկա նկատմամբ իսկական դրամայի է վերածվել երիտասարդի գործընկերների համար: Տղամարդը, գալով գրասենյակ, կրակել է իր գործընկերներից 7-ի վրա: Զոհերից հինգը տեղում մահացել են, մյուս երկուսի կյանքի համար բժիշկները դեռ պայքարում են. հայտնում է Риа Новости-ն:

Արտակարգ պատահարը տեղի է ունեցել առավոտյան ժամը 10-00-ի սահմաններում, երբ դեղագործական ընկերության աշխատակիցները եկել են աշխատանքի: Հանցագործին ձերբակալել են անվտանգության ծառայության աշխատակիցները: Այժմ նրան հարցաքննում են հետաքննիչները, որոնք քրեական գործ են հարուցել նրա դեմ սպանության մեղադրանքով:

Հանցագործը պատմել է, որ ինքը  սիրահարվել էր իր գործընկերուհուն, որը  չէր  պատասխանում նրա զգացմունքներին: Նա պատմել է նաև, որ վշտից 5 օր հարբեցողությամբ է զբաղվել, իսկ 6-րդ  օրը վերցրել է կարաբինը և կրակ բաց թողել ընկերության աշխատակիցների  վրա: