Համբուրգում զուգարանի թղթից արվեստի գործեր են ցուցադրել

Համբուրգի պատկերասրահում տեղի է ունեցել զուգարանի թղթից պատրաստված արվեստի ստեղծագործությունների ցուցադրություն:

Թուրք հեղինակ Շաքիր Հեքսբերգը հայտարարել է, որ Trans-Layers անվանմամբ աննախադեպ ստեղծագործություններ ստեղծելուն նրան ոգեշնչել են «կենցաղում մեզ շրջապատող հասարակ իրերը, որոնց մենք ուշադրություն չենք էլ դարձնում». փոխանցում է Euromag-ը:

Հայտնի է, որ թուրք հեղինակը հռչակ է վայելում ոչ ավանդական նյութերից արվեստի գործեր ստեղծելու իր հակումով: Այսպես, նրա որոշ գործեր ստեղծվել են կոտրած հովանոցներից, կախիչներից և հին ավելներից: