Նախարարը մասնակցեց գրքի շնորհանդեսի
Վերջին լուրեր
Նոյեմբերի 7-ին ՀՀ սփյուռքի նախարար Հրանուշ Հակոբյանը մասնակցեց Գրիգոր Մովսիսյանի հեղինակած «Վահագնի ծնունդը կամ մեր Տեր Հիսուս Քրիստոսի երկրորդ գալուստը» գրքի գինեձոնին:
Ելույթ ունեցավ Գերաշնորհ Տեր Գևորգ Եպիսկոպոս Սարոյանը՝ նշելով. «Գրքի ոգին ընկալելու համար պետք է ճանաչել հեղինակին, տվյալ դեպքում իր հոգևոր անձից անբաժան է իր գրածը, հեղինակը հավատք է դրել իր գրածի առանցքում»: Ներկայացված գրքի թեման հոգևորից բացի, ունի պատմաբանասիրական հիմք:
Հեղինակը նշում է, որ երկար ժամանակ իրեն հանգիստ չէր տալիս այն միտքը, թե «Վահագնի ծնունդը» բանաստեղծությունը նվիրված է հեթանոսության աստծուն: Ճշմարտության բացահայտման անհանգստությունը փարատելու համար Գ. Մովսիսյանը խնդրել է Աստծուն թույլ տալ փնտրել այն: Եվ Աստվածաշնչյան ընթերցումները նրան հանգեցրել են այն եզրակացություններին, որոնք շարադրված են գրքում: «Վահագնի ծնունդը կամ մեր Տեր Հիսուս Քրիստոսի երկրորդ գալուստը» գրքի էջերը նկարազարդված են գեղանկարիչ Մայիս Մխիթարյանի կողմից:
Նույն հանդիսության ժամանակ ներկայացվեց նաև Մայիս Մխիթարյանի «Հիսուսի երկրորդ գալուստը» մեծածավալ կտավը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
