Ճանապարհը դեպի խաղաղություն դյուրին չէ, բայց դա միակ ճանապարհն է Հայաստանի և ողջ տարածաշրջանի համար․ Շիմոնիտե

«Մեր ազգերը վաղուց բարեկամական կապեր ունեն և մեզ միավորում եմ համանման պատմանական փորձառություններ։ Փորձառություններ բռնաճնշման, անկախության համար պայքարի և ժողովրդավարությունն ընտրելու և հավատարիմ մնալու։ Հպարտ եմ, որ Լիտվիան առաջին պետությունն է, որը ճանաչել է Հայաստանի անկախությունը 1991թվականին»,- այս մասին հայտարարեց Լիտվայի վարչապետ Ինգրիդա Շիմոնիտեն։

«Ներկայումս Ձեր երկրի համար մարտահրավերներով լի ժամանակաշրջան է։ Իմ ցավակցությունն եմ հայտնում ԼՂ-ի պատերազմներում զոհվածների ընտանիքներին։ Լիտվիայի կառավարությունը նյութական աջակցություն է փոխանցել, թեպետ դա չի ամոքի ցավը։ Բարձր եմ գնահատում Ձեր կառավարության հանձնառությունը խաղաղության գործընթացին։ Ես  հույս և հավատ ունեմ, որ երկու կողմերը կպահպանեն իրենց հանձնառությունները՝ հարգելով մեկ մեկու տարածքային  ամբողջականությունն ու ինքնիշխանությունը։ Լիաթոք հավատացած եմ, որ երկխոսությամբ տեղական խաղաղության իսկապես  հնարավոր է հասնել։ Ճանապարհը դեպի խաղաղություն դյուրին չէ, բայց դա միակ ճանապարհն է Հայաստանի և ողջ տարածաշրջանի համար՝ կայունության հասնելու համար։ 

Մենք քննարկեցինք, թե ինչպես կարելի է Լիտվիայի փորձագիտական կարողությունն օգտագործել տարբեր ոլորտներում՝ հատկապես վերականգնվող էներգետիկա, տրանսպորտ և այլ բարեփոխումներ։ Համոզված եմ , որ բարեփոխումների ոլորտում Հայաստանի հաջողությունը կօգնի ամրապնդել Հայաստանի ժողովրդավարությունը և  ապահովել Հայաստանի արժանի տեղը «ժողովրդավարությունների համայնքում»»,-նշեց նա։