Զույգը 157 դոլարով վաճառել է աֆրիկյան փայտե դիմակը և պարզել, որ դրա իրական արժեքը 4,4 միլիոն դոլար է

Ֆրանսիայից տարեց զույգը 157 դոլարով վաճառել է հին աֆրիկյան փայտե դիմակը, իսկ հետո պարզել, որ դրա իրական արժեքը կազմում է 4,4 միլիոն դոլար, գրում է Inside Edition-ը։ Դրանից հետո թոշակառուները դատական ​​հայց են ներկայացրել հնաոճ իրերի վաճառողի դեմ։

Ըստ լրատվամիջոցների՝ տարեց ամուսինները դիմակը հայտնաբերել են տունը մաքրելիս։ Նրանք այն տարել են տեղի հնաոճ իրերի խանութ, որտեղ վաճառողը համաձայնել է գնել այն 157 դոլարով։ Մի քանի ամիս անց զույգը թերթում կարդացել է, որ դիմակն իրականում հազվագյուտ ծիսական իր է Գաբոնից, որը վաճառվել է աճուրդում 4,4 միլիոն դոլարով:

Ամուսինները պնդում են, որ իրենց խաբել են ու հայց են ներկայացրել վաճառողի դեմ։ Ամբաստանյալը պնդում է, որ ինքը աֆրիկյան արվեստի ոլորտի փորձագետ չէ, և որ ինքն էլ է դիմակի իրական արժեքի մասին իմացել ավելի ուշ՝ աճուրդի տան միջոցով։

Նշվում է, որ դատարանը վարույթ է ընդունել ամուսինների հայցը։