Առաջին քայլով պետք է դիմել ճանապարհային ոստիկանություն․ «Փաստ»
Հայկական Մամուլ
«Փաստ» օրաթերթը գրում է.
Այս օրերին ակտիվորեն քննարկվեցին տեղեկությունները, թե բռնի տեղահանված արցախցի մեր հայրենակիցներին պարեկները տուգանում են վարորդական իրավունքի վկայական կամ ԱՊՊԱ չունենալու համար:
Ընդհանրապես, այս ընթացքում մենք քանիցս տեղեկություններ ենք ստացել, որ արցախցիները, ի թիվս բազմաթիվ այլ խնդիրների, խոչընդոտների են հանդիպում նաև վարորդական իրավունքների հետ կապված: Ոմանք իրենց վկայականները թողել են Արցախում, ոմանք կորցրել են դրանք բռնագաղթի ժամանակ, ոմանց պարագայում լրացել է վկայականի վավերականության ժամկետը:
Ի՞նչ պետք է անեն նման պարագայում արցախցիները, արդյո՞ք համապատասխան բազան առկա է: Այս հարցերի հետ կապված «Փաստը» մեկնաբանություն խնդրեց ՆԳՆ Ոստիկանության հասարակայնության հետ կապի և լրատվության վարչությունից: «Առաջին քայլով վարորդները պետք է դիմեն ճանապարհային ոստիկանություն: Տեղյակ ենք, որ արդեն իսկ դիմում են: Տեղում նրանց արդեն կուղղորդեն, թե ինչ պետք է անել, և կտան մեր քաղաքացիներին հուզող բոլոր հարցերի պատասխանները»,-նշեցին վարչությունից:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
