Ֆրանսիայի պաշտպանության նախարարը հայտնել է հայ-ֆրանսիական համագործակցության 3 առանցքային կետերը

Հայաստանը պետք է կարողանա պաշտպանել իրեն և իր բնակչությանը։ Այս մասին X-իր միկրոբլոգում գրել է Ֆրանսիայի Զինված ուժերի նախարար Սեբաստիան Լըկորնյուն։

«Ուրախ եմ, սիրելի Սուրեն, քեզ հետ մեր առաջընթացի համար մեր պաշտպանական հարաբերությունների 3 առանցքային կետերում»,- գրել է Լըկորնյուն՝ կից ներկայացնելով վերը նշված կետերը։

1. Աջակցել հայկական բանակին նրա վերափոխման գործում

‧ Պաշտպանական առաքելության բացումը 2023 թվականի հունվարին,

‧ ֆրանսիացի սպային` որպես ռազմական խորհրդատու ուղարկելը,

‧ Բազմաթիվ այցելություններ և աշխատանքային հանդիպումներ։

2. Ուսուցում

‧ Համագործակցություն սպայական և ենթասպայական ուսումնական հաստատությունների հետ,

‧ Ուսուցում օպերատիվ ուսումնական ջոկատների կողմից, մասնավորապես լեռնային մարտերի և հրաձգության վայրերում:

3. Ցամաքային ՀՕՊ համակարգերի ուժեղացում

‧ 3 GM200 ռադիոտեղորոշիչ կայանի ձեռքբերման պայմանագրի և հակաօդային պաշտպանության վերաբերյալ փոխըմբռնման հուշագրի ստորագրում,

‧ «Միստրալ» զենիթահրթիռային համալիրների ձեռքբերման վերաբերյալ փոխըմբռնման հուշագրի ստորագրում,

‧ Հայկական ցամաքային ՀՕՊ համակարգերի առաջիկա աուդիտ»,- գրել է Սեբաստիան Լըկորնյուն։