«Հրապարակ». Անուշ Սեդրակյանը չի բացառել իր առաջադրումը որպես նախագահի թեկնածու
Վերջին լուրեր
Որքան էլ «Ազատ դեմոկրատները» չեն ցանկանում բացել խաղաքարտերը, այնուհանդերձ «Հրապարակ»-ին հայտնի դարձավ, որ քաղաքական դաշտը հստակվելուց, ԲՀԿ թեկնածուն առաջադրվելուց հետո ԱԴ անդամ Անուշ Սեդրակյանն առաջադրվելու է որպես նախագահի թեկնածու: Գենդերային այդ խաղաքարտը, որպես «նոու-հաու» ներմուծելով քաղաքական դաշտ, ԱԴ-ն փորձելու է նախընտրական պայքարին ոչ միայն գաղափարական նոր իմպուլսներ հաղորդել, այլև արևմտյան արժեհամակարգը կրողների համար նոր հարթակ ստեղծել, որովհետև, ըստ նրանց, Րաֆֆի Հովհաննիսյանն իր թեկնածությունն առաջադրել է ԲՀԿ-ի հետ «տորգի» մեջ մտնելու նպատակով:
Ըստ նույն աղբյուրի՝ ԱԴ լիդերները Րաֆֆի Հովհաննիսյանի հետ դեռ խորհրդարանական ընտրությունների ժամանակ պայմանավորվել են, որ որևէ կոնտակտ ԲՀԿ-ի հետ չեն ունենալու՝ ոչ մի պայմանով: «Առինջը մեզ համար ընդամենը աշխարհագրական տարածք պետք է լիներ, ուրիշ ոչինչ, սակայն Րաֆֆին երկակի խաղ սկսեց նախ Օսկանյանի, ապա ԲՀԿ-ի հետ, ինչն էլ դարձավ նրանց պառակտման պատճառը»,- ասացին:
«Հրապարակ»–ը փորձել է Անուշ Սեդրակյանից ճշտել՝ առաջադրելո՞ւ է ԱԴ-ն իր թեկնածությունն առաջիկա նախագահական ընտրություններում, թե՞ ոչ: «Առայժմ քննարկումներն ընթանում են, մենք դեռ վերջնական որոշում չունենք»,- ասաց նա:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
