ԿՀՎ-ի նախկին ղեկավարի հրաժարականի հիմքում առկա է երկրորդ սիրուհու գործոնը

ԱՄՆ-ի օրենսդիրները ցանկանում են տեղեկանալ ԿՀՎ-ի արդեն նախկին ղեկավար Դեվիդ Փեթրեուսի և նրա կենսագրական աշխատանքի հեղինակ, լրագրող Փոլա Բրոդվելի միջև արտամուսնական կապերի շուրջ Հետախուզության դաշնային բյուրոյի՝ ՀԴԲ-ի կողմից իրականացվող հետաքննության մանրամասներից: Կոնգրեսականներին հետաքրքրում է, թե արդյոք այս գործը վտանգ է ներկայացրել ազգային անվտանգությանը և իրենց ավելի վաղ չեն տեղեկացել այս գործի մասին:

ԱՄՆ-ի Սենատի հետախուզության հանձնաժողովի նախագահ Ֆայնստայնը, հանդես գալով ամերիկյան «Fox News» հեռուստատեսությամբ, ասել է, թե հանձնաժողովին ոչ ոք նախօրոք չի տեղեկացրել տեղի ունեցածի մասին: «Սա մեզ համար կատարյալ անակնկալ էր: Այնուամենայնիվ, անհրաժեշտ է նշել, որ մենք գիտենք, թե ինչպես է պետք վարվել գաղտնի տեղեկատվության հետ: Եթե ունենք տեղեկություններ, ապա առնվազն կարող ենք գնահատել դրանք և սկսել պլանավորումը: Ֆայնստայնը խոսել է ՀԴԲ-ի կողմից գեներալ Փեթրեուսին լավ ճանաչող մեկ այլ կնոջ՝ Ջիլ Քելլիին հասցեագրված Բրոդվելի սպառնացող նամակներ ուղարկելու կապակցությամբ իրականացվող հետաքննության մասին:

Այս նամակների շնորհիվ են բացահայտվել Բրոդվելի և Փեթրեուսի մոտ հարաբերությունները: Նամակները հայտնաբերելուց հետո ՀԴԲ-ը կապ էր հաստատել հետախուզության ղեկավարության հետ, որից հետո ԱՄՆ-ի ազգային հետախուզության տնօրեն Ջեյմս Քլեփերն առաջարկել է Փեթրեուսին հրաժարական ներկայացնել: Որոշ աղբյուրների համաձայն՝ Քլեփերը տեղեկացվել է գործի մանրամասների մասին նոյեմբերի 6-ի երեկոյան, երբ ԱՄՆ-ում ընթանում էին նախագահական ընտրությունները:

Հարկ է նշել, որ 37-ամյա Ջիլ Քելլի միջոցով է սկսվել ԿՀՎ-ի ղեկավարի դեմ ծավալված հետաքննությունը, ով հասարակական ծառայություն է իրականացրել Ֆլորիդա նահանգում գտնվող ՌՕՈՒ-ի բազաների մոտակայքում տեղակայված ԱՄՆ Կենտրոնական հրամանատարությանը պատկանող շտաբ-գրասենյակում:

Քելլին, ով Փետրեուսի ղեկավարման ընթացքում, բավականին մոտ հարաբերություններ է ունեցել վերջինիս հետ՝ վերջին ժամանակահատվածում, իր էլեկտրոնային հասցեին անանուն նամակներ է ստացել, որում հիմնականում սպառնալիքներ են հնչեցվել՝ ընդհուպ մինչև կյանքի սպառնացող վտանգ, եթե վերջինս չդադարեցնի իր հարաբերություններն այն տղամարդու հետ, ում հետ չպետք է որևէ առնչություն ունենա: Ըստ տվյալների՝ նամակների մեջ չի նշվել որևէ անձի անուն: Որպես ԱՄՆ բանակի ծառայակից՝ Քելլին իր պարտքն է համարել դիմել ԱՄՆ-ի դաշնային հետախուզության բյուրո՝ պարզելու նշյալ անձի ինքնությունը:

Հատկանշական է, որ հետաքննության արդյունքում, հետքերը բերել են 40-ամյա Փոլ Բրոդվելլին, ով արդեն գտնվելով դաշնային հետախուզության բյուրոյի տեսադաշտում, անուղղակիորեն բացահայտել է ԿՀՎ-ի ղեկավարի ու իր միջև առկա սիրային կապը:
Ինքը Քելլին իր ցուցմունքներում նշել է, որ իր և Փեթրեուսի միջև որևէ սիրային կապ գոյություն չի ունեցել, քանի որ, ի սկզբանե նրանք 5 տարի շարունակ կապված են եղել ընտանեկան մտերմությամբ, և դա է պատճառը եղել, որ իր և Փետրեուսի ,, բարի անունը,, փրկելու համար դիմել է նշյալ մարմիներին: Ըստ Քելլի, նրա մտքով անգամ չի անցել, որ արդյունքում նման փաստեր կարեղ են բացահայտվել:

Փեթրեուսն ընդունել է արտամուսնական կապերի փաստը և անցյալ հինգշաբթի օրն ազատել է ԿՀՎ-ի տնօրենի պաշտոնը: ԱՄՆ-ի օրենսդիրները սակայն դեռևս հարցեր ունեն Լիբիայի Բենգազի քաղաքում ԱՄՆ-ի հյուպատոսության ուղղությամբ այս տարվա սեպտեմբերի 11-ին իրականացված հարձակման կապակցությամբ, որին զոհ էին գնացել այս երկրում Միացյալ Նահանգների դեսպանն ու ևս երեք ամերիկացիներ: Օրենսդիրները չեն բացառում, որ Փեթրեուսը կանգնելու է Կոնգրեսի առջև՝ այս միջադեպի կապակցությամբ վկայություններ տալու նպատակով:

ԱՄՆ-ի Ներկայացուցիչների պալատի ազգային անվտանգության հանձնաժողովի նախագահ Փիթեր Քինգը, անդրադառնալով ՀԴԲ-ի կողմից իրականացվող հետաքննությանը, ասել է, որ ըստ էության, նախագահական ընտրությունների նախօրեին ԱՄՆ-ի Սպիտակ տունը ցանկանում էր խուսափել սկանդալից:

Հ.Գ. Հարկ է նշել, որ ԱՄՆ-ի բանակում և հատուկ ծառայություններում նշյալ արտամուսանական կապերը խստորեն դատապարտվում են, և արգելված են ներքին կանոնադրությամբ:

Համաձայն մշակված օրենքների՝ նշյալ ոլորտներում ծառայող անձինք պետք է խուսափեն այդ որակի որևէ հարաբերություններ ունենալուց, քանի որ այն լուրջ ծուղակ է հանդիսանում այլ երկրների կողմից նշյալ անձի վերաբերյալ վարկաբեկիչ նյութեր ձեռք բերելու, որն էլ ուղղակիորեն վնասում է երկրի անվտանգությանը: