Քենիայում անասնագողերը սպանել են 24 ոստիկանի

Քենիայում անասնագողերը նոյեմբերի 12-ի գիշերը սպանել են 42 ոստիկանի՝ հարձակվելով նրանց վրա դարանից. հաղորդում է BBC News-ը։ Եվս 9 ոտիկան հոսպիտալացվել է, նրանցից ոմանք գտնվում են ծանր վիճակում։

Միջադեպը տեղի է ունեցել երկրի հյուսիսում՝ Սամբուրու շրջանի գյուղերից մեկում։ Ոստիկանները հետապնդում էին անասնագողերի մի խմբի թուրքական ցեղից, որոնք ավելի վաղ անասուն էին գողացել Սամբուրու ցեղից։ Ոստիկանության աշխատակիցները մտադիր էին հետևել հանցագործներին և գտնել այն վայրը, որտեղ վերջիններս պահում էին գողացած անասուններին։ Սակայն հետապնդման ընթացքում հանցագործները շրջափակել էին ոստիկաններին և գնդակոծել։

Ինչպես հաղորդում է Reuters-ը՝ վկայակոչելով տեղական իշխանության ներկայացուցիչներին, հարձակվողներից մի քանիսն ավելի վաղ ծառայել են անվտանգության զորքերում, սակայն ներկա պահին աշխատում են որպես վարձու մարդասպան։