Der Standard. Սալաֆիները ցանկանում են ոչնչացնել եգիպտական բուրգերն ու Սֆինքսը
Վերջին լուրեր
Մորգան Սալեմ ալ Ջոհարին, ով պնդում է, որ մասնակցել է Բամիանում Բուդդայի արձանի ոչնչացմանը, սպառնում է նաև կործանել եգիպտական հրաշալիքները: Անվտանգության ուժերը կարծես թե լուրջ են վերաբերվում այդ սպառնալիքներին. գրում է ավստրիական պարբերականը:
Իսլամիստական այդ մոլեռանդը Եգիպտոսում կոչ է արել ոչնչացնել բուրգերն ու Սֆինքսը: Տեղական ԶԼՄ-ները հաղորդում են, որ ջիհադական Մորգան Սալեմ ալ Ջոհարին հեռուստահաղորդումներից մեկի ժամանակ ասել է, որ բոլոր կուռքերն ու արձանները, որոնցով լի է Եգիպտոսը, պետք է ոչնչացվեն: Արաբական «Աշ Շարք ալ Աուսատ» թերթը երկուշաբթի օրը, հղում կատարելով Եգիպտոսի ՆԳՆ-ին և Անվտանգության մարմիններին, գրում է, որ սպառնալիքը բավականին լուրջ է ընդունվել:
Հեռուստահաղորդումներից մեկի ժամանակ, որը եթերում է շաբաթ օրվանից, սալաֆիները (արմատական իսլամական ուղղություն. Ծնթ.՝ Լուրեր.com) եգիպտոսի մուսուլմաններին հիշեցրել են իրենց պարտականությունների մասին, այն է՝ հետևել իսկական իսլամի օրենքներին և ոչնչացնել բոլոր կուռքերը: Ջոհարին հպարտանում է նաև նրանով, որ մասնակցություն է ցուցաբերել Աֆղանստանում Բուդդայի արձանի ոչնչացման մեջ:
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
