Նյու Յորքը 30 մլրդ դոլար կխնդրի վերականգման համար

Նյու Յորք նահանգի մարզպետ Էնդրյու Կուոմոն (Andrew Cuomo) հայտարարել է դաշնային իշխանություններից 30 մլրդ խնդրելու մտադրության մասին «Սենի» փոթորկից հետո նահանգը վերականգնելու համար. այս մասին այսօր հաղորդում է Associated Press-ը։

Այս գումարը նահանգի իշխանությունները մտադիր են ծախսել ճանապարհների, թունելների, կամուրջների վերանորոգման, ինչպես նաև քանդված տների վերականգման համար, ինչպես նաև փոթորիկի հետևանքով վնասներ կրած գործարարներին վարկերի տրամադրման համար։ Գումարի մի մասը Նյու Յորքի իշխանությունները պատրաստվում են ծախսել նահանգի ենթակառուցվածքի մոդեռնիզացման համար։

Կուոմոն հայտարարել է այն մասին, որ մտադիր է նվազեցնել Նյու Յորքի կախվածությունը հարևան Նյու Ջերսի նահանգից, որտեղից Նյու Յորքին բենզին է մատակարարվում։ Նահանգապետը նաև առաջարկել է ստեղծել նահանգում նավթային պահուստ այն դեպքում, եթե իշխանությունները նորից ստիպված լինեն բախվել արտակարգ իրավիճակի։