Արաս Օզբիլիսը` Պրեմիեր լիգայի լավագույն ֆուտբոլիստների հնգյակում

Ռուսական Sportbox.ru կայքը հրապարակել է Ռուսաստանի առաջնության լավագույն ֆուտբոլիստների 5-յակը, որում տեղ է գտել նաև Հայաստանի հավաքականի և «Կուբանի» կիսապաշտպան Արաս Օզբիլիսը: «Այաքսում» ֆուտբոլային կրթություն ստացած երիտասարդ կիսապաշտպանը, ում հաջողվել է հոլանդական գրանդ ակումբի հետ նվաճել երկու չեմպիոնական տիտղոս, դարձել է «Կուբանի» հաղթաթղթերից մեկը: Եթե նա նախկինում խաղադաշտ էր դուրս գալիս որպես փոխարինող, ապա այսօր դարձել է հիմնական կազմի առանցքային խաղացող: Արասի հաղթաթուղթը տուգանային հարվածներն են, որոնցով նա հաճախ է անհանգստացնում դարպասապահներին։ Սակայն ֆուտբոլային  ինտելեկտով օժտված Օզբիլիսի ներդրումներն ավելի մեծ են «Կուբանի» հաջողություններում, քան նրա մեկը մյուսից գեղեցիկ խփած 5 գոլերը։ Այս ֆուտբոլիստը հեռանկարային խաղացող է։ Գլխավորը տհաճ պատահականություններից խուսափելն է»,-գրում է կայքը։

Ռուսաստանի ընթացիկ առաջնությունում անցկացրած 9 խաղերում Օզբիլիսը խփել է 5 գնդակ։ 15-րդ տուրից հետո «Կուբանը» 25 միավորով 7-րդ տեղում է։

Հնգյակում տեղ են գտել նաև Կերժակովը, Չորլուկան, Հոնդան և Սապոգովը։