Իվանիշվիլին Բրյուսելից կոչ է անում Սաակաշվիլին ստեր չտարածել

Վրաստանի վարչապետ Բիձինա Իվանիշվիլին ՆԱՏՕ-ին առաջարկել է խումբ ուղարկել իր երկիր՝ բանակի իրական վիճակին ծանոթանալու համար, հատկապես Վրաստանի ԶՈՒ Միացյալ շտաբի պետ Գեորգի Քալանդաձեի հանդեպ ներկայացրած մեղադրանքներից հետո. տեղեկացնում է Թբիլիսիում Взгляд-ի հատուկ թղթակիցը:

Բրյուսելից «9-րդ ալիք»-ին տված հարցազրույցի ժամանակ Իվանիշվիլին հայտնել է, որ այդ հարցը նա դնելու է ՆԱՏՕ-ի գլխավոր քարտուղար Անդերս Ֆոգ Ռասմուսենի առջև չորեքշաբթի օրը կայանալիք բանակցությունների ժամանակ:

«Ընտրովի արդարադատություն Վրաստանում, ինչպես առաջ էր, այլևս չի լինելու: Ամեն ինչ լինելու է ինչպես երբեք, օրենքի տառին համապատասխան, և մենք այդ մասին խոսել ենք Բրյուսելում հանդիպումների ժամանակ»,-ասել է Իվանիշվիլին:

«Մենք կառաջարկենք ՆԱՏՕ-ին ստեղծել հատուկ աշխատանքային խումբ և նայել, թե ինչ է կատարվում բանակում, որպեսզի հասկանալի լինի, որ այս ամենը հաշվեհարդար չէ»,-հավելել է նա:

Մեկնաբանելով ձերբակալությունների հարցի շուրջ ՆԱՏՕ-ի սուր քննադատությունը՝ վարչապետը նշել է. «Վրդովեցուցիչ է, որ Գլխավոր դատախազությունը ձերբակալել է Միացյալ շտաբի պետին, ՊՆ և ՆԳՆ նախկին ղեկավարին, դա շատ մեծ ամոթ է երկրի համար, սակայն դա արտահայտում է այն, ինչ իրականում կատարվում է Վրաստանում, և Արևմուտքը նույնպես գիտի, թե իրականում ինչ էր տեղի ունենում Վրաստանում»:

Անդրադառնալով Սաակաշվիլիի Բրյուսել և Պրահա կատարած այցելություններին՝ վարչապետն ասել է, որ Վրաստանի նախագահն «իր այցերով խաբկանք է ստեղծում ԱՄՆ-ում և Եվրոպայում: Հասկանալի չէ, թե ուր և ինչու է նա մեկնում, մեկնում է և ստեր տարածում»,-ասել է Իվանիշվիլին: