Մեսսին տարեկան 15 մլն ֆունտ աշխատավարձ է պահանջում

«Բարսելոնայի» հարձակվող Լեոնել Մեսսին ցնցել է ակումբի ղեկավարությանը աշխատավարձի վերաբերյալ նոր պահանջով. գրում է El Economista-ն: 

Կատալոնական ակումբը ցանկանում է երկարաձգել հարձակվողի հետ պայմանագիրը, որը նախատեսված է մինչև 2016-ը, և պատրաստ է  պայմանագրի իր տարբերակն առաջարկել, ըստ որի՝ Մեսսին տարեկան կստանար 10 մլն:

Սակայն ըստ աղբյուրի պահանջում է տարեկան 15 մլն ֆունտից ոչ պակաս աշխատավարձ: Դեռ հայտնի չէ՝ ինչպես է արձագանքել ակումբի ղեկավարությունն այդ հայտարարությանը:

Նշենք, որ Մեսսին այս մրցաշրջանում մասնակցել է 11 հանդիպման, հեղինակել 15 գոլ և կատարել 5 գոլային փոխանցում: