ԱՄՆ-ի 20 նահանգներ միջնորդություն են ստորագրել պետության կազմից դուրս գալու համար
Վերջին լուրեր
Անցյալ շաբաթ Բարաք Օբամայի վերընտրությունից հետո ավելի քան 100 հազար ամերիկացիներ միջնորդություն են ստորագրել իրենց նահանգները երկրի կազմից դուրս բերելու համար:
Միջնորդությունը տեղադրվել է Սպիտակ տան ինտերնետ կայք-էջում: Այն վերնագրված է՝ «Մենք ազգ ենք», և յուրաքանչյուր ցանկացող կարող է իր սեփական հայցն առաջ քաշել կամ միանալ արդեն եղածներին:
Այս պահին միջնորդագիր է եկել երկրի 20 նահանգներից՝ Տեքսաս, Նյու Յորք, Նյու Ջերսի, Հյուսիսյաին և Հարավային Կարոլինա, Ալաբամա, Ջորջիա, Ֆլորիդա, Ինդիանա, Միչիգան, Թեննեսի, Լուիզիանա, Քենթուքի, Արքանզաս, Կոլորադո, Հյուսիսային Դակոտա, Օրեգոնա, Միսիսիպի, Միսուրի, Մոնտանա:
Ստորագրությունների մեծամասնությամբ՝ առաջին տեղում է գտնվում Տեքսաս նահանգը: Այստեղ ձայներն անցել են 25 հազարի շեմը, որից հետո Սպիտակ տունը պարտավոր է պաշտոնապես պատասխան տալ միջնորդագրին:
Հայցերի հիմնական մասը եղել է այն նահանգների կողմից, որոնք նախագահական ընտրությունների ժամանակ քվեարկել էին Օբամայի հակառակորդ Միթ Ռոմնիի օգտին: Սակայն եղել են նաև հայտեր Օբամային աջակցող նահանգներից:
ԱՄՆ-ի կազմից վերջին անգամ նահանգներ են դուրս եկել 1860 և 1861 թվականներին՝ Աբրահամ Լինքոլնի ընտրությունից հետո: Դրանից հետո սկսվել էր Քաղաքացիական պատերազմը:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
