ՀԱԿ-ը մի քանի տարվա շարժում է, որը գնալով մարում է. Էդուարդ Շարմազանով
Վերջին լուրեր
«Բարգավաճ Հայաստան» կուսակցության կողմից նախաձեռնած քաղաքական քննարկումները քաղաքական հնարքներ և բլեֆ են: Այս մասին ասյօր լրագրողների հետ ճեպազրույցում ասաց ՀՀԿ խոսնակ, ԱԺ փոխնախագահ Էդուարդ Շարմազանովը:
Լրագրողներից մեկի այն հարցին, թե ՀՅԴ-ն և ՀԱԿ-ը քաղաքական բլեֆ են անում, Շարմազանովն ասաց, որ ՀՅԴ-ն և ՀԱԿ-ը շատ տարբեր են:
ՀՀԿ խոսնակի խոսքերով՝ ՀՅԴ-ն 122 տարեկան կուսակցություն է, իսկ ՀԱԿ-ը մի քանի տարվա շարժում է, որը գնալով մարում է, և մարդիկ դուրս են գալիս: «Այսօր էլ Ազգային ժողովում ՀԱԿ խմբակցության պատգամավորներից երկուսն այլ են, մյուս երկուսը՝ լրիվ այլ, մեկն էլ ընդհանրապես չի խոսում»,-ասաց ԱԺ փոխնախագահը՝ հավելելով, որ ՀՅԴ-ն մշտապես խոսել է խորհրդարանական կառավարման համակարգի, հարյուր տոկոսանոց համակարգի մասին:
Խոսելով ԲՀԿ-ի կողմից խորհրդակցություններին մասնակցելու հրավերի մասին՝ Էդուարդ Շարմազանովն ասաց. «ՀՀԿ-ն օրակարգ ձևավորող քաղաքական ուժ է, ոչ թե ուրիշի քաղաքական հնարքներին ու պլատոնական սիրախաղերին մասնակցող ուժ»։
ՈՒՂԻՂ ԵԹԵՐ
Ամենադիտված 
«Վիրավորները վառվելով հիվանդանոց էին մտնում, շորերը՝ հալված, մարմիններին կպած»․ ինչ են պատմում բժիշկները պայթյունից (տեսանյութ)
