Բրյուսելն արգելում է տոնածառի տեղադրումը, որպեսզի չվիրավորի մուսուլմաններին

Բելգիան կարծես թե 2013 թվականը դիմավորելու է առանց Ամանորի և Սուրբ ծննդյան գլխավոր խորհրդանշի՝ տոնածառի: Բրյուսելի իշխանությունները կարծում են, որ երկրի կենտրոնական հրապարակում տոնածառի տեղադրումը, որը քրիստոնեական տոնի խորհրդանիշ է, կարող է վիրավորել մուսուլմաններին. գրում է Вести.ru-ն՝ հղում կատարելով բելգիական ԶԼՄ-ներին:

Հսկայական ամանորյա տոնածառին, որն ամեն տարի տեղադրվում է Grand Place հրապարակում, այս տարի փոխարինելու է «էլեկտրոնային ձմեռային ծառը»: Այն իրենից ներկայացնում է 25-մետրանոց կառույց՝ մեծաքանակ էկրաններով: Ցերեկը կարելի է բարձրանալ նրա վրա և հիանալ շրջակա տեսարանով:

Տեղական պաշտոնյաների կարծիքով՝ էլեկտրոնային կառույցը ոչ մի կերպ կապ չունի քրիստոնեական խորհրդանիշների հետ, ուստի և Բրյուսելի կենտրոնում նրա հայտնվելը ոչ ոքի չի կարող վիրավորել: