Windows-ի ղեկավարը հեռացել է ընկերությունից

Ամերիկյան Microsoft ընկերության թոփ-մենեջեր և Windows ստորաբաժանման ղեկավար Սթիվեն Սինոֆսկին, ով Microsoft-ում աշխատել է 1989 թվականից, թողել է իր պաշտոնը և հեռացել ընկերությունից՝ առանց որևէ բացատրության: Հաղորդում է Associated Press-ը։

Microsoft ընկերությունը հիմնադրվել է 1975 թվականին և մասնագիտացված է ծրագրային ապահովության, անհատական և սերվերային համակարգիչների համար ինտերնետային լուծումների մշակման և ծառայությունների մատուցման ոլորտում:

Ընկերության արտադրանքները, մասնավորապես Windows օպերացիոն համակարգը, վաճառվում է աշխարհի ավելի քան 80 երկրում և թարգմանված է շուրջ 45 լեզվով: