Ֆրանսիացին ռեկորդային 170 մլն եվրո է շահել Euro Millions վիճակախաղով

Ֆրանսիայի բնակիչը շահել է 169.8 մլն եվրո համաեվրոպական Euro Millions վիճակախաղով. հաղորդում է France Press գործակալությունը։ Վիճակախաղի պատմության մեջ այս ռեկորդային գումարը՝ 185 մլն եվրո, շահել էր 2011 թվականին բրիտանացի զույգը։ Մինչ այս երկրորդ տեղում էր ֆրանսիացի ընտանիքը, որը ցանկացավ անհայտ մնալ. նույն տարվա հոկտեմբեր ամսին ամուսինները շահել էին 162 մլն եվրո։

Հիշեցնենք, որ Euro Millions վիճակախաղն առաջին անգամ անց է կացվել 2004 թվականի հոկտեմբերին երեք երկրում՝ Ֆրանսիայում, Իսպանիայում և Մեծ Բրիտանիայում։ 2004 թվականի հոկտեմբերին վիճակախաղին միացել է ևս 6 երկիր՝ Լյուքսենբուրգը, Բելգիան, Շվեյցարիան, Պորտուգալիան, Իռլանդիան և Ավստրիան։ Ընդ որում, նշենք, որ շահած գումարից հարկ ՝է գանձվում միայն Շվեյցարիայում։

Վիճակախաղին մասնակից է հանդիսանում մոտ 200 մլն մարդ։