Հայաստան-Լիտվա խաղին ընդառաջ

Այսօր Վազգեն Սարգսյանի անունը կրող Հանրապետական մարզադաշտում Հայաստանի ազգային հավաքականն ընկերական հանդիպման շրջանակներում կհյուրընկալի Լիտվայի ընտրանուն:

Նշենք, որ այս երկու հավաքականները մինչ այս հանդիպել են ևս երկու անգամ և երկու անգամ էլ հանդիպումը եղել է ընկերական, որոնցից առաջինում 2:1(2000) հաշվով հաղթել է Հայաստանի ընտրանին, մյուսում՝ Լիտվայի (2011), վերջինս առավելության էր հասել 3:0 հաշվով:

ՖԻՖԱ-ի դասակարգման աղյուսակում Վարդան Մինասյանի սաները գտնվում են 82-րդ հորիզոնականում, իսկ Լասլոյի սաները 119-րդն են:

Աշխարհահռչակ William Hill բուքմեյքերական կենտրոնը հավատում է Հայաստանի հաղթանակին. նրա գործակիցն է 1.91, ոչ ոքին՝  3.50, իսկ հյուրերինը՝ 4:

Այսօր կայանալիք հանդիպումը կլինի նաև մեր հավաքականի լեգենդար ավագ Սարգիս Հովսեփյանի հրաժեշտի խաղը:

Հանդիպումը կմեկնարկի Երևանի ժամանակով 19:00-ին և կլինի մեր հավաքականի վերջին հանդիպումն այս տարում: