Skype-ում վիրուս է հայտնվել, որը կարող է կոտրել օգտատերերի հաշիվները

Skype-ի օգտատերերից մեկը հայտնել է, որ 3 ամիս առաջ նա հայտնաբերել է այդ վիրուսը և տեղյակ պահել Skype-ի աշխատակազմին, սակայն խնդիրը մինչ այժմ չի կարգավորվել: Այդ թերության պատճառով տեղի են ունենում օգտատերերի հաշիվների զանգվածային «գողություններ»: Հարձակումն իրագործելու համար անհրաժեշտ է իմանալ միայն զոհի էլեկտրոնային հասցեն: Այն իմանալով՝ կարող են փոխել «զոհի» էջի գաղտնաբառը, որը հաստատելու համար անհրաժեշտ է միայն օգտատիրոջ կողմից հաստատել գործողությունը՝ սեղմելով չաթով ուղարկվող հղման վրա:

Skype ծառայության աշխատակազմը զգուշացնում է խուսափել Skype-ով որևէ էջի հղում պարունակող հաղորդագրությունները բացելուց, եթե նույնիսկ դրանք ուղարկում են ընկերները:

Այս մասին տեղեկացնում է Российская Газета-ն: