Էրդողանը Թուրքիային է վերադարձնում մահապատիժը
Վերջին լուրեր
Թուրքիայի վարչապետ Ռեջեփ Թայիփ Էրդողանը հայտարարել է, որ պլանավորում է վերացնել մահապատժի վրա դրված արգելքը Թուրքիայում. գրում է Euromag-ը:
«Եվրոպայում մահապատիժը արգելված է, բայց այդպե՞ս է արդյոք ԱՄՆ-ում, Ճապոնիայում և Չինաստանում: Մահապատիժը մի շարք դեպքերի համար կարող է օրինական լինել»,-հայտարարել է թուրքական կառավարության ղեկավարը:
Ինչպես հաղորդում է USobserver-ը, մահապատժից հրաժարվելը ԵՄ մուտք գործելու համար Թուրքիային ներկայացված նախապայմաններից մեկն է:
ԵՄ-ում Թուրքիայի ներկայացուցիչն արդեն մեկնաբանել է իր վարչապետի խոսքերը, հայտնելով, որ դա ընդամենը «վարչապետի հայտարարությունն է եղել», և մահապատժի արգելքը վերացնելու որևէ լուրջ հիմք չկա:
Միաժամանակ Էրդողանի կողմից անցկացված հարցումները Թուրքիայում ապացուցում են, որ երկրի բնակչության մեծամասնությունը հանդես է գալիս մահապատժի վերականգնման օգտին: Իր հերթին ԵՄ-ն կոշտ դիրքորոշում է ընդունել մահապատժի դեմ և աշխատում է այն համատեղ վերացնելու ուղղությամբ: «Մահապատիժը չի կարող չեզոքացնել կատարված հանցագործությունը, այն պետք է մնա որպես անցյալի վերապրում»,-ասել է ԵՄ-ի արտաքին քաղաքականության հարցերով պատասխանատու Քեթրին Էշթոնը:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
