ԱՄՆ-ում ինքնասպանություն է գործել հանրահայտ մարդ-կատուն

ԱՄՆ-ում մահացել է Դենիս Ավները, ով հայնտի է իր մարմնի հետ՝ որպես մարդ-կատու կատարած տարբեր փոփոխություններով։

Ավների դին հայտնաբերվել է Նևադա նահանգի Թոնոփա քաղաքի իր տանը։ Նա 54 տարեկան էր։ Անվերի մահվան ճշգրիտ պատճառը չի հաղորդվում, սակայն, ենթադրաբար, նա ինքնասպանություն է գործել. գրում է NY Daily News-ը։ «Հիանալի և բարդ մարդ էր. նա նույնքան բարդ էր, որքան հիանալի։ Եվ նա վերջ է դրել իր կյանքին՝ գործելով ինքնասպանություն»,-իր բլոգում գրել է Ավների ընկեր Շենոն Լարատը։ Երբ կկայանա մարդ-կատվի թաղման արարողությունը, չի հաղորվում։

Նախկին զինծառայող Դենիս Ավները սկսել է տարբեր տեսակի փոփոխություններ կատարել իր մարմնի հետ 1985 թվականից, երբ առաջին անգամ մեծ քանակությամբ դաջվածքներ էր արել սեփական մարմնի վրա։ Նա ձգտում էր նմանվել վագրի և հանուն դրա բազմաթիվ պլաստիկ վիրահատությունների էր դիմել։

Մարդ-կատուն բազմիցս մասնակցել է արտասովոր մարդկանց նվիրված մի շարք հեռուստա և ռադիոհաղորդումների։