Սաակաշվիլին պատրաստ է ակտիվ համագործակցել իշխող մեծամասնության հետ
Վերջին լուրեր
Վրաստանի նախագահը պատրաստ է ակտիվորեն համագործակցել իշխող մեծամասնության հետ, հատկապես՝ երկրի արտաքին քաղաքականության և պաշտպանության ոլորտում: Այդ մասին նախագահ Սաակաշվիլին լրագրողներին հայտարարել է Բրյուսելում. փոխանցում է Trend տեղեկատվական գործակալությունը:
«Մենք ցանկանում ենք շարունակել զարգացումը: Ճիշտ չի լինի ազատվել կոնկրետ մարդկանցից միայն այն պատճառով, որ նրանց այդ պաշտոնում նշանակել է ուրիշը: Դա պետական շահերի հարց է»,-հայտարարել է Սաակաշվիլին:
Նա նշել է, որ Բրյուսել այցելելու հրավեր է ստացել մեկ ամիս առաջ, իսկ Իվանիշվիլին, ով նույնպես պաշտոնական այցով Բրյուսելում էր, այդ որոշումը շատ ավելի ուշ է կայացրել:
«Բնական է, որ դա չպիտի տարաձայնության թեմա լինի: Այստեղ մենք պետք է խոսենք մեկ լեզվով և մեկ գործ անենք: Եթե մենք հայտարարում ենք, որ ցանկանում ենք մերձենալ ԵՄ-ի և ՆԱՏՕ-ի հետ, ապա չի կարելի այդ հարցի շուրջ վիճել մեկ մեկու հետ: Ընդհակառակը, մենք պետք է միասնական ճակատ ստեղծենք, որպեսզի արտասահմանում Վրաստանը հիշատակվի միայն դրական պլանում և հիշատակվի միայն նրա զարգացման մասին»,-ասել է Սաակաշվիլին:
Այսօր Սաակաշվիլին շարունակում է իր հանդիպումները Բրյուսելում:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
