Ժամանակակից արվեստը Sotheby's-ին 375 մլն դոլար եկամուտ է բերել

Sotheby's աճուրդի տունն իր 268-ամյա պատմության մեջ ամենաշահութաբեր վաճառքն է իրականացրել՝ ստանալով 375 մլն դոլար եկամուտ. տեղեկացնում է Reuters-ը:

Աճուրդի տան ներկայացուցիչների խոսքերով՝ ստացված եկամուտը գերազանցել է իրենց բոլոր սպասելիքները: Գործակալությունը նշում է, որ աճուրդի հաջողությունը վկայում է, որ արվեստի շուկան ուշքի է եկել 2008թ. ֆինանսական ճգնաժամից:

Եկամտի զգալի մասը աճուրդի տունը ստացել է Մարկ Ռոտկոյի «Համար 1(թագավորական կարմի և կապույտ)» կտավի վաճառքից, որը վաճառվել էր 75 մլն դոլարով:

Ջեքսոն Փոլոքի «Համար 4» նկարը վաճառվել է 40 մլն դոլարով, ինչը ռեկորդային գումար է ամերիկյան նկարիչի համար: