Բյուջեի եկամուտները չեն քննարկվել. Հրանտ Բագրատյան
Վերջին լուրեր
2013 թվականի պետական բյուջեի ամբողջ քննարկումները հակասահմանադրական են, բյուջեի եկամուտները չեն քննարկվել: Այս մասին այսօր Ազգային ժողովում բյուջեի քննարկումների ժամանակ, անելով երկու դիտողություն, ասաց «Հայ ազգային կոնգրես» խորհրդարանական խմբակցության պատգամավոր Հրանտ Բագրատյանը:
Վերջինիս խոսքերով՝ կառավարությունը թռուցիկ ներկայացրել է եկամուտները, «իսկ Ազգային ժողովում, դժբախտաբար, մենք սխալ օրակարգ ենք ընդունել հանձնաժողովի կողմից և քննարկել ենք ծախսերն առանց եկամուտների, վերջում թռուցիկ ենք անդրադարձել եկամուտներին:
Չփորձեք ինձ համոզել, որ կարելի է սկզբից քննարկել ծախսերը, հետո՝ եկամուտները: Ազգային ժողովում տեղի չի ունեցել բյուջեի եկամուտների քննարկում այն ձևով, ինչպես քննարկվել են ծախսերը՝ ճյուղ առ ճյուղ»,-ասաց Բագրատյանը:
Որպես երկրորդ դիտողություն՝ Բագրատյանը նշեց, որ իրենք արել են 40 կոնկրետ դիտողություն. «Ցույց էինք տվել աղբյուրները, ցույց էինք տվել նաև ծախսերի փոփոխությունը՝ կախված աղբյուրներից, մենք պատասխան չենք ստացել, և այդպես չի կարելի վերաբերվել մեզ»,-նշեց Բագրատյանը:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
