Խանջյան փողոցում շենքի փլուզման հետևանքով տուժածը վերակենդանացման բաժնից տեղափոխվել է պալատ

Հոկտեմբերի 25-ին Խանջյան 20 հասցեում կիսակառույցի փլուզման հետևանքով փլատակների տակ մնացած 11 հոգուց բաղկացած շինարարական բրիգադի անդամներից մեկը՝ Վոլոդյա Մաթևոսյանը, այսօր վերակենդանացման բաժանմունքից տեղափոխվելու է նյարդաբանական բաժանմունք: Այս մասին Լուրեր.com-ի հետ զրույցում ասացին «Սուրբ Գրիգոր Լուսավորիչ» բժշկական կենտրոնից:

«Տուժածի վիճակը գնահատվում է կայուն»,- ասաց բժիշկը։

Հիշեցնենք, որ օրեր առաջ «Jose» ռեստորանային համալիրի մոտ կառուցվող շենքում փլուզում էր տեղի ունեցել: Փլվել էր շինության երրորդ հարկը: Փրկարարները փլատակներից դուրս էին բերել 9 տուժածի: