Ադրբեջանը հիստերիայի մեջ է. Ուրուգվայը կարող է ճանաչել ԼՂՀ անկախությունը
Վերջին լուրեր
Ադրբեջանի ԱԳՆ-ը բողոքի նոտա է հղել Ուրուգվային՝ պայմանավորված Լեռնային Ղարաբաղ նրա խորհրդարանի պատգամավորների կատարած այցով: Այս մասին հաղորդում է Ադրբեջանի Արտաքին քաղաքականության գերատեսչության մամլո ծառայության ղեկավարը. փոխանցում է Lenta.ru-ն:
«Այդ այցը սրում է տարածաշրջանում լարվածությունը, ոչ թե նպաստում հակամարտության կարգավորմանը»,-ասել է նա: Ադրբեջանի ԱԳՆ-ի հիստերիան է առաջացրել նաև այն հայտարարությունը, որն արել է Ուրուգվայի խորհրդարանի պատգամավոր Ռուբեն Մարտինես Ուելմոն, ով գտնվում էր Լեռնային Ղարաբաղ այցելած պատվիրակության մեջ: Պատգամավորը նախօրեին հայտարարել էր, որ Ուրուգվայը կարող է դառնալ առաջին պետությունը, որը պաշտոնապես կճանաչի Լեռնային Ղարաբաղը որպես անկախ պետություն: Պատգամավորը նշել է, որ սա քաղաքական գործընթաց է և պետք է զարգանա աստիճանաբար: «Մենք պետք է ընդհանրացնենք բոլոր գործողությունները և փաստեր ներկայացնենք քաղաքական ուժերին»,-ասել է նա:
Ուրուգվայի պատգամավորները Ներկայացուցիչների պալատի նախագահ Խորխե Օրիկոյի գլխավորությամբ ժամանել են Լեռնային Ղարաբաղ նոյեմբերի 13-ին: Նրանք հանդիպել են Լեռնային Ղարաբաղի նախագահ Բակո Սահակյանի հետ:
Սպասվում է, որ Ուրուգվայի խորհրդարանի պատգամավորները նոյեմբերի 14-ին ելույթ կունենան Լեռնային Ղարաբաղի խորհրդարանում:
ՈՒՂԻՂ ԵԹԵՐ
Ամենադիտված 
Հրապարակվել է սպանված Խամենեիի նստավայրի լուսանկարները (Ֆոտոշարք)
